ضرب نار مع ابناء مبارك
بعد ثوره يناير و بعد خروج الطاغيه عن عرشه بيد الشعب و الجيش و خيانه قاده
الشرطه لمصر و عموم الفرحه ارجاء البلاد و ووصول صداها الى العالم كله الذى تقبلها بفرح و اعجاب عدا الجاره الاسرائيليه
التى حزنت على حليفها البار الذى اعتبرته افضل كنوزها فى الشرق الاوسط و بعد بدء مرحله التعافى من ويلات الحكم الدكتاتورى و بدء حياه جديده بمستقبل افضل لبلد يستحق الافضل بسواعد ابنائه و دماء شهدائه و مبالغه فى العدل و الرحمه قدمناه لمحاكمه خمس نجوم لا يستحقها لكن الشعب المصرى بكرمه و اخلاقه السمحه رفض ان ينفذ العدل الطبيعى و اختار الرحمه بعدوه فالرؤساء الذين يخربون بلادهم و يدفعونها للانهيار و يعيشون على معاناة الشعوب التى يحكمونها يكون مصيرهم بعد الثوارات عليهم الاعدام بدون و محاكمه و فى احسن الاحوال يتم نفيهم الى دول الاعداء ليكونوا فى مرتبه الجواسيس و الخونه لكن تم منح مبارك الفرصه و اعطائه حقوق المواطنه العادله التى حرمنا منها لكننا رحما به و كرما مننا اعطيناها له لاننا نعامل الله اولا
ثم بعد هذا يخرج علينا قطيع ضال يصرخ بتعالى فى وجوهنا مطالبا بالعفو عنه و يؤكد برائته!!
بل و ذهبوا ابعد من هذا و يتهمنا بالوحشيه و النداله و قسوه القلب و انكار الجميل ! .
, و يصدعونا بالنهيق صباحا و مساءا بانه رجل مسن و انه عزيز قوم ذل و لا مانع باهانه الدين و استخدامه لاغراض غير العباده فى الدعايه لبرائه مبارك و لا مانع من اهانه الاليات القرأنيه و الزج بها فى غير محلها للدفاع عن مبارك
الظريف ان مبارك نفسه حرم ادخال الدين فى السياسه لكن ربما قطيعه لم يكن يعرف ما هى سياسه مبارك
و لاننا العاقلون استخدمنا عقلنا بدلا من احذيتنا و سألناهم عن اسباب طلب العفو عن مبارك فتراوحت الاجابات بين كبر سنه و انجازاته التى الجباره كالكبارى و المترو ! و ناقص يشكروه على تجديد دوره المياه العموميه الى فى عابدين جنب المحطه ! و فى نظرهم الانجازات العظيمه دى الى مش موجود زيها فى العالم كله متجيش اى حاجه جنب اعظم انجاز عرفته البشريه و هو قيادة للضربه الجويه الاولى و دا سبب يمنعنا من المحاكمه لانه حمى مصر ضد اسرائيل ! محسسنى انه كان الجندى الوحيد فى حرب اكتوبر و لانهم غير متعلمين او مثقفين و ينقادون لاى افترائات و كذب فى الجرائد القوميه الصفرا لم يعلموا حقيقة ان مبارك كان فى دار الدفاع الجوى يوم سته اكتوبر الى فى مدينه نصر و بعيده اكتر من 100 كيلو عن قناه السويس !
فى حجه تانى حمى مصر من الحروب و خلاها بلد الامن و الامان ! و ارجوك متشتمش فيهم لانك اكيد عاقل و واعى
و هما كده مش بيسيبوا ليك غير اختيارين يا اما تدعى لهم بالهدايا و تحمد ربنا على نعمه العقل الى حرم غيرك منها و ممكن تاخدك الشفقه بحالهم و تديهم حسنه لوجه الله
و ممكن برضو نوضح الامر عشان لو فى حد عنده عقل و تايه فى وسطهم يرجع لعقله
بالنسبه لمصر بلد الامن و الامان دى فلتت من مبارك لانه مصر طول عمرها بلد الامن و الامان زى ما قال الرسول صلى الله عليه و سلم بل بالعكس دا مبارك بقى فى عهده انتشر الارهاب و السرقه و بقى الواحد يخاف انه يمشى لوحده ليطلع عليه قطاع طرق يسرقوه خصوصا سكان الضواحى و الظهير الصحراوى و بقى الاجانب الى كانوا بيجوا مصر امنيين مبقوش امنين ! و مبقوش يجوا اساسا
و بالنسبه لبقاى الحجج الواهيه هل احنا بنفى عن الجاسوس لما يكون عجوز ؟ بلاش دى هل بنعفى عن الحرامى لو كان عجوز؟ و لا ليه بننسى الالاف الفلاحين الى فيهم كتير عواجيز و اكبر من مبارك سننا و مكانه و شرفا بالنسبه لى ! لانهم لم يستطيعوا دفع اتاوات الحكومه و مسجونين فى ما يشبه القبور بلا مكان يقدروا يناموا فيه اصلا ! طب و ليه اذا كان حتى الى مش فى السجون
من المصريين اطفال و شيوخ و كله عايشين فى عشش و قبور مش ادميه طبعا و كمان ممكن نضيف ليهم النسبه الكبيره الى بنتميز بيها من عدد مش قليل من الى بيناموا فى الشوارع و دول برضو من العواجيز و الاطفال
طبعا كل دا من انجازات (الهنش) الكبير مبارك ! اشمعنى هو يحترم و هما لاء ؟طب و ضحايا الفساد و السرقه و الاهمال الى هو عمله خلال 30 سنه دكتاتوريه و حكم مطلق معملش فيهم حاجه انجاز حقيقى كلنا عارفين انجازات جمال عبد الناصر مع بعض العيوب و عارفين انجاز السادات الوحيد بتاع تحرير سينا و بقيت العيوب لكن ايه انجاز فى عهد مبارك يتساوى او اقل قليلا مع انجازات الى سبقوه ؟!؟!
